கோவை சரளா...குஷ்பூ..ஷகீலா - ஒரு பார்வை

நம்ம தமிழ்வாசி பிரகாஷ் மூணு..மூணுன்னு ஒரு தொடர் பதிவுக்கு அழைச்சிருந்தார்.  இப்படி பாசமா கூப்பிடுதாரேன்னு ஆசையா என்னன்னு பார்த்தா 3 விஷயங்கள்னு 15 கேள்வி..அந்தப் பதிவைப் படிக்க ஆரம்பிச்சா, பாதியிலேயே தூக்கம் வந்திருச்சு. அப்போ தான் புரிஞ்சது இந்தாளு நம்ம கடைக்கு வர்ற கூட்டத்தை கலைக்க சதி பண்றாருன்னு. அப்போ எழுதாம விட்டுடலாம்னு பார்த்தா...ஒரு காலத்துல பதிவர் கொட்டைப்புளியைத் தவிர வேற யாருமே நம்மை மனுசனா மதிச்சு தொடர்பதிவுக்குக் கூப்பிடாத கேவலமான நிலைமை ஞாபகத்துக்கு வந்துச்சு. அவருக்குத் தேவை ’மூணு’ தானே-ன்னு துணிஞ்சுட்டேன்:

எனக்குப் பிடிச்ச மூன்று நடிகைகள்:

கோவை சரளா:

நகைச்சுவங்கிறது எல்லோருக்கும் வர்றதில்லை..அதுவும் லேடீஸ் நகைச்சுவை பண்றது ரொம்பக் கஷ்டம்..ஏன்னா நம்மாளுக பாட்டி கேரக்டரா இருந்தாலும் ஏதாவது தேறுதான்னு பார்க்குற பார்ட்டிங்க..அதனால ஒரு பொம்பளை ரசிகர்களோட கண்ணை தன் உடம்பில இருந்து மீட்டு, நகைச்சுவையைக் கவனிக்க வைக்கிறது ரொம்பக் கஷ்டமான காரியம். போதாக்குறைக்கு ஷர்மிலி போன்ற அணுகுண்டு நடிகைகள்லாம் காமெடி கேரக்டர் பண்ணிப் பண்ணி, நகைச்சுவை நடிகை ‘கேரக்டரை’ டேமேஜ் பண்ணி வச்சிருக்காங்க. அந்த வகையிலதான் நமக்கு கோவை சரளாவை ரொம்பப் பிடிச்சுப்போச்சுண்ணே..கமலே ட்ரை பண்ணியும் ஒன்னும் தேறலைன்னா பார்த்துக்கோங்களேன்..

தப்பா நினைக்க முடியாத அப்பாவி முகம் தான் கோவை சரளாவோட ப்ளஸ் பாயிண்ட். மனோரமா ஆச்சிக்கு அப்புறம் அந்த லுக்கு சரளாவுக்குத் தான் வந்துச்சு. அதனாலேயே கணவனை அடிக்கிற கேரக்டர் பண்ணாலும் அடி வாங்குகிற கேரக்டர் பண்ணாலும் நம்மால ரசிக்க முடியுது. ஏறக்குறைய 20 வருஷத்துக்கு மேல ஆகியும் இன்னும் அவரை ரீப்ளேஸ் பண்ண ஆளில்லைங்கிறதே அவரோட திறமைக்கு சாட்சி.

அவர் நடிச்சதுல ‘என்னை ஜப்பான்ல கூப்பிட்டாகோ’..’என்ன இங்க சத்தம்’..’ர்ர்ரகசிய சிநேகிதனய்ய்..தொறை இங்க்லீஸ் எல்லாம் பேசுது’ போன்ற காட்சிகளை இப்போ பார்த்தாலும் நமக்கு கெக்கேபிக்கேன்னு சிரிப்பு வந்திடும். ஒரு படத்துல வடிவேலுகிட்ட ‘நானா சிந்திச்சேன்’ன்னு சொல்லும்..அப்போ அதோட டயலாக் டெலிவரியும் எக்ஸ்பிரசன்ஸும் அமர்க்களமா இருக்கும்.’நீயால்லாம் யோசிக்கக்கூடாது’ன்னு சொல்லி வடிவேலு கும்முவாரு..அந்த சீனோட தாக்கத்துல தான் நம்ம ‘நானா யோசிச்சேன்’ பொறந்துச்சு.. அது என்ன படம், யூடுயூப் லின்க் இருக்கான்னு நண்பர்கள் யாராவது சொல்லுங்கப்பா..

குஷ்பூ :

’நீ எங்கே என் அன்பே’ன்னு அது அழுதுக்கிட்டே கண்ணாடில நடந்தப்போ ‘ இங்க இருக்கேன்’ன்னு நானு தரை டிக்கெட்ல உட்கார்ந்துக்கிட்டு கத்துனதோட, குஷ்பூவுக்கும் எனக்குமான ‘தொடர்பு’ தொடங்குச்சு..அதுக்கு அப்புறம் தான் வருஷம் 16 பார்த்தேன். அதுவும் கார்த்திக் அதைத் தொரத்திக்கிட்டு வரும்போது தடுக்கி விழுமே..அந்த சீன்ல விழுந்தவன் தான் இன்னும் எந்திரிக்கலை.

இதுவும் குழந்தைத் தனமான முகம் தான். ஆனா அந்த முகத்துக்கும் உடம்புக்கும் சம்பந்தம் இல்லாதது தான் குஷ்பூவோட பெரிய ப்ளஸ் பாயிண்ட். கவர்ச்சிக் காட்சிகள்ல உடம்பும், மற்ற காட்சிகள்ல முகமும் குஷ்பூக்கு நல்லா கை கொடுத்துச்சு. தமிழ்நாட்டை குஷ்பூ அளவுக்கு ‘ஆக்ரமிச்ச’ நடிகை வேற யாரும் இருக்கிற மாதிரி தெரியலை..குஷ்பூவை ரீப்ளேஸ் பண்ண வந்த சிம்ரனோட இப்போதைய நிலைமையை கம்பேர் பண்ணும்போது தான் அம்மணியோட திறமை நமக்குப் புரியுது..

சூப்பர் ஸ்டார் படத்துல ஒரு நடிகையோட பேரைச் சொல்லி ஒரு பாட்டு வந்துச்சுன்னா அது குஷ்பூவுக்கு மட்டும் தான்னு நினைக்கேன்..அண்ணாமலை, சிங்கார வேலன்ல வர்ற குஷ்பூவைப் பார்த்துத் தான் ‘கும்முன்னு இருக்கறது’ன்னா என்னன்னு தமிழன் தெரிஞ்சுக்கிட்டான். 

குஷ்பூவைப் பத்தின பல கிசுகிசுக்களை நீங்க தெரிஞ்சிருப்பீங்க..நானும் ஒரு கிசுகிசு சொல்றேன்..அந்தப் பொண்ணு பீக் பீரியட்ல ரஜினி, கமல்னு பெரிய ஸ்டார்களோட நடிச்சு ஏகப்பட்ட காசு  சம்பாதிச்சது. அதோட அப்பன் ஒருநாளு அத்தனை சொத்தோட ஓடிப்போயிட்டான். அப்புறம்தான் அது ராஜ்கிரன், பாண்டியராஜன்னு எவன் கூப்பிட்டாலும் ஓடிப்போய் நடிச்சு, திரும்ப மீண்டு வந்துச்சு.தமிழ், தெலுங்கு, மலையாளம், கன்னடம்னு அதோட செகண்ட் இன்னிங்ஸ் ஹீரோக்களைப் பார்த்தாலே அதோட அப்போதைய நிலைமை புரியும்.

ஷகீலா:

அடுத்ததாக நம்ம தங்கத் தலைவி ஷகீலா..முதல்ல ஸ்டில்லைப் போட்டுக்கறேன்..இதோட நல்ல ஸ்டில்லு கிடைக்காம நான் பட்டபாடு அந்த கூகுள் ஆண்டவருக்குத் தான் தெரியும்..ஏழு கடல், ஏழு மலை தாண்டுனா இளவரசி கிடைப்பான்னு கதைல வருமே..அது மாதிரி தடை பல தாண்டி இந்த நீட்டான ஸ்டில்லை கொண்டு வந்திருக்கேன்..அதுல இருந்தே அம்மணியோட மகத்துவத்தை நாம புரிஞ்சிக்கலாம்..

முத ரெண்டு நடிகைகளும் குழந்தை முகம்னா இது ஆப்போசிட் குரூப்பு..’எங்க என்னை ஒழுங்கா பார்த்திரு பார்ப்போம்’னு சவால் விடுற உருவம் இது..எல்லா பிட் நடிகைகளும் ஏதாவது எஃப்ஃபோர்ட் எடுத்தாத் தான் விசில் கிடைக்கும்..அம்மணி சும்மா வந்து நின்னாலே போதும்..கேரளால மம்முட்டி, மோகன்லால்னு பெரிய பெரிய ஸ்டார்களையே கண்ணுல விரல்விட்டு ஆட்டுன நடிகை..சாதாரண விரலா அது..உரலு-ல்ல..அதான் கடுப்பாகி கேரளாவை விட்டே விரட்டி அடிச்சாங்க அம்மணியை..

ஆரம்ப காலப்படங்கள்ல ரசிகனுக்கு முழு திருப்தி தந்து பெரிய ஆளான அம்மணி, ஃபேமஸ் ஆனதும் ஆஃப் பாயிலோட நிறுத்திக்கிச்சு..ஆனாலும் நம்மாளுக ‘இந்தப் படத்துலயாவ்து இருக்கும்..இருக்கும்’னு நம்பியே அதோட எல்லாப் படங்களையும் ஹிட் ஆக்குனாங்க. ஆனா ஒரு கட்டத்துல அம்மணியோட சீனை விட பிண்ணனி இசை பிரமாதம்-ங்கிற நிலைமை வந்துடுச்சு..அதனால சில விவரமான ரசிகர்கள் படத்தைப் பார்க்காம சங்கீதத்தை மட்டும் ரசிக்கிறதுலயே அதிக சந்தோசம் கிடைக்குன்னு கண்டுபிடிச்சாங்க..அதுல இருந்து தான் ஷகீலாவோட வீழ்ச்சி தொடங்குச்சு.

அய்யய்யோ மறுபடியும் வீழ்ச்சி..எழுச்சியா..வேணாம்யா...பதிவை இத்தோட முடிச்சுக்கிறேன்..