Sunday, August 31, 2014

திரைக்கதை சூத்திரங்கள் (பகுதி-23)

23. Plant & Pay-off (நட்டு வச்ச ரோஜாச் செடி..)
சினிமாவிற்கென்றே ஒரு சிறப்பம்சம் உண்டு. இந்தக் கலையைத் தேடி மக்கள் வருகிறார்கள். தங்கள் பணத்தையும் நேரத்தையும் இந்தக் கலைக்காக செலவளிக்கிறார்கள். எல்லாவற்றுக்கும் மேலாக, படம் ஆரம்பிக்கும்போது தன்னையே அந்த படத்திடம் ஒப்படைக்கிறார்கள். என்னை சந்தோசப்படுத்து, திருப்திப்படுத்து என்று சரண்டர் ஆகிக் கேட்கிறார்கள்.
இவையெல்லாம் முதல் இருபது நிமிடங்களுக்குத் தான். அதற்குள் அவர்கள் கதையில் ஐக்கியம் ஆகிவிட வேண்டும். இல்லையென்றால், இன்ஸ்பெக்டராக மாறி படத்தை சோதிக்க ஆரம்பித்துவிடுவார்கள். ‘இப்போ ஒரு பாட்டு வருமே? வந்திடிச்சா? இவன் ஓவரா செண்டிமெண்ட்டைப் புழியறானே..சாகப்போறானோ? செத்துட்டான்..ஏண்டா, டேய்எனும் க்ளிஷே புலம்பல் ஆரம்பித்துவிடும்.

கலகலப்பு படத்தில் வரும் நாய், யார் எதைத் தூக்கிப்போட்டாலும் எடுத்துக்கொண்டு வந்து ஹீரோவிடம் கொடுத்துவிடும். இந்த தகவல் நம் மனதில் முதலில் நடப்படுகிறது. ‘சரி..அதுக்கென்ன?’ என்று நாமும் அசுவாரஸ்யமாய் கண்டுகொள்ளாமல் ஓரத்தில் அதைப் போட்டு வைக்கிறோம். பின்னர் வைரத்திற்காக சண்டை போடும் காட்சியில், இன்ஸ்பெக்டர் தூக்கிப் போடப்பட்ட வைரத்தை தன் அண்டர்வேயரில் வைக்கவும், நமக்கு நாயின் குணாதிசயம் ஞாபகம் வந்துவிடுகிறது. அங்கே இருக்கும் மற்ற கேரக்டர்களுக்கும் ஞாபகம் வர, இன்ஸ்பெக்டர் முழிக்க, நமக்கு சிரிப்பு தாங்கவில்லை. படத்தின் ஆரம்பத்தில் நட்டுவைத்த தகவல், இப்பொழுது சிரிப்பாக பூத்துவிடுகிறது. இது Plant & Payoff-க்கு ஒரு எளிய உதாரணம்.

ஒரு படம் ஆரம்பிக்கும்போது, ஏகப்பட்ட தகவல்கள் விஷுவலாகவும் வசனமாகவும் ஆடியன்ஸ் முன் கொட்டப்படுகின்றன. அவை சுவாரஸ்யமாக கதையை நகர்த்த உதவ வேண்டும். இல்லையென்றால், ஆடியன்ஸுக்கு கடுப்பாகிவிடும்.

அப்படி கொட்டப்படும் சில விஷயங்கள் முதலில் தேவையற்றதாகத் தெரியும். படத்தின் பிற்பாதியிலேயே அதன் மகத்துவம் புரியும். அதற்குப் பெயர் தான்நட்டு வச்ச ரோஜாச் செடிஎன்று நான் செல்லமாகச் சொல்லும் Plant & Pay-off.
நாயகன் படத்தில் வரும் வேலு நாயக்கர் பெரிய தாதா. கத்தி எடுத்தவனுக்கு கத்தியாலேயே சாவு, வயதும் ஆகிவிட்டது. எனவே வேலு நாயக்கர் சாகப்போகிறார் என்பது உறுதியாக நமக்குத் தெரிகிறது. ஆனால் யாரால், எப்படி? அசிஸ்டெண்ட் கமிசனர் சுட்டுக்கொல்வாரா அல்லது கோர்ட் தூக்கில் போடுமா அல்லது வேறு எதிர்குரூப் வந்து கொல்லுமா என யோசித்தபடியே படம் பார்க்கிறோம்.

ஆனால் ஏற்கனவே அந்தகொலைகாரகேரக்டருக்கான செடி நடப்பட்டுவிட்டது. அது படம் முழுக்க வேலுநாயக்கர் கூடவே வளர்கிறது. பழிக்குப் பழி எனும் வன்மப்பூ பூக்கும்போது தான், நமக்குஅடஇதை யோசிக்கவே இல்லையேஎன்று தோன்றுகிறது. அந்த கணம் தான், ஒரு படத்தினைநல்லா எடுத்திருக்கான்யாஎன்று நாம் ஒத்துக்கொள்ளும் தருணம்.

Plant & Pay-off- Foreshadowing என்றும் அழைப்பது வழக்கம். இதைப் பல வகைகளில் அமைக்கலாம். பின்னால் வரும் ஒரு காட்சியில் ஒரு துப்பாக்கி முக்கியப்பங்கு வகிக்கப்போகிறதென்றால், அதை முதலிலேயே கேஷுவலாகக் காட்டலாம். ஒரு வீட்டு டேபிள் டிராயரில் துப்பாக்கி இருக்கிறது என்று சாதாரணமாக வரும் காட்சி, பின்னால் வரும் காட்சியால் முக்கியத்துவம் பெறும். எந்த பூட்டு ஆனாலும் அதைத் திறப்பது போன்ற ஏதோவொரு திறமை ஹீரோ அல்லது ஒரு கேரக்டருக்கு இருப்பது போல் முதலில் காட்டிவிட்டு, ஒரு இக்கட்டான சூழலில் அது உதவுவது போல் காட்சி அமைத்தால் பார்ப்பதற்கு நன்றாக இருக்கும்.

பொதுவாக பின்னால் வரும் காட்சியை எழுதும்போது தான் plant செய்வதற்கான ஐடியா கிடைக்கும். ரிவர்ஸில் வந்து, பொருத்தமான இடத்தில் அதை சேர்த்துவிட வேண்டும்.

சமீபத்தில் வெளியானஇருக்கு ஆனா இல்லைபடத்தின் கிளைமாக்ஸே இந்த டெக்னிக்கைப் பயன்படுத்தித் தான் அமைக்கப்பட்டிருந்தது. ஹீரோவுடனே தங்கியிருக்கும் பேய் தான் ஹீரோயின். பேய் என்றாலும் அதற்கு இருக்கும் திறமைகள் என்ன என்று பார்த்தால், ஹீரோவைத் தவிர யார் கண்ணிலும் படாமல் இருப்பது மற்றும் யார் உடம்பில் வேண்டுமானாலும் புகுந்து, அந்த உடம்பை தன் கண்ட்ரோலில் கொண்டு வருவது.
ஒரு பாடல் காட்சியில் ஹீரோ சிகரெட் பிடிப்பார். அது பிடிக்காத ஹீரோயின் பேய் அந்த ஹீரோவின் உடலில் புகுந்து கொள்ளும். ஹீரோவால் சிகரெட்டை தன் வாய்க்கு கொண்டுவர முடியாது. வெறுத்துப்போய் சிகரெட்டை கீழே போட்டுவிடுவார். காமெடியாக இந்தக் காட்சி வரும்.

ஹீரோயினின் அக்காவை ஒரு தனியார் ஹாஸ்பிடல் டாக்டர், ஆபரேசன் என்ற பெயரில் கொன்றுவிட்டு, அவர் உடலின் பாகங்களை விற்றுவிடத் திட்டமிடுவார். இது தெரிந்த ஹீரோவும் ஹீரோயினும் எவ்வளவு முயன்றும் அந்த ஆபரேசனைத் தடுக்க முடியாமல் போய்விடும். கிளைமாக்ஸ் ஆபரேசன் தியேட்டரில்.

ஹீரோவை அடித்து ஒரு ரூமில் அடைத்துவிடுவார்கள். உதவிக்கு வந்தோருக்கும் அதே நிலைமை. வேறு யாரும் இல்லாத சூழ்நிலை. அந்த வில்லன் டாக்டர் ஆபரேசன் செய்ய கத்தியை எடுக்கும்போது, ஹீரோயின் பேய் அவர் உடலில் புகுந்துவிடும். அவர் எவ்வளவோ முயன்றும் தடுக்க முடியாமல், அவர் கழுத்தை அவர் கையாலேயே அறுத்துவிடும். ‘டாக்டர் சூசைடு செய்துவிட்டார்என்றே எல்லாரும் நினைப்பர்; சுபம்!

முதலில் வெறும் காமெடி என்று நாம் நினைத்த ஒரு விஷயம், கிளைமாக்ஸையே தீர்மானிப்பதாக அமைவதை நம்மால் ரசிக்க முடிகிறது. 


இதே போன்று உங்கள் கதையில் ரோஜாச் செடியை நட்டு வைக்க முடியுமா என்று பாருங்கள். இல்லையென்றால், அதற்கான வாய்ப்புகளை உருவாக்குங்கள். ஆடியன்ஸை திருப்திப்படுத்தும் ஒரு எளிய விஷயம், இந்த Plant & payoff. எனவே, இது ஒரு நல்ல திரைக்கதை ஆயுதம்!

ஏறக்குறைய திரைக்கதையின் அடிப்படைகளைப் பார்த்துவிட்டோம். அடுத்த பகுதியில் இதுவரை பார்த்ததை, ஒரு படத்தில் அப்ளை செய்து பார்ப்போம்!

(தொடரும்)

மேலும் வாசிக்க... "திரைக்கதை சூத்திரங்கள் (பகுதி-23)"
மறுமொழிப்பெட்டி:
தமிழிலும் மறுமொழியிடலாம்
Loading...

7 comments:

Post a Comment

தங்கள் பின்னூட்டத்திற்கு நன்றி.

Saturday, August 30, 2014

சலீம்- திரை விமர்சனம்

அதாகப்பட்டது... :
நான் என்றொரு ஆவரேஜ் வெற்றிப்படம் கொடுத்த இசையமைப்பாளர் விஜய் ஆண்டனி, மீண்டும் ஹீரோவாகக் களமிறங்கியிருக்கும் படம், சலீம். இங்கே ஒரு நாள் தாமதமாக ரிலீஸ்.
ஒரு ஊர்ல..:
நீதி, நியாயப்படி வாழும் அப்பாவி டாக்டர் விஜய் ஆண்டனி. அப்படி வாழ்வதால் தனியார் ஹாஸ்பிடல் நிர்வாகமும், ஹீரோயினும் அவரைத் தூக்கி எறிகிறார்கள். அதற்குப் பொங்கி எழும் வேளையில், ஒரு மினிஸ்டர் பையனைப் பழி வாங்கும் கடமையும் வந்து சேர, அப்பாவியின் விஸ்வரூபமே சலீம்.

உரிச்சா....:
ஹீரோ ஒரு நீதிமான், அடிதடிக்குப் போகாதவர், மருத்துவத் தொழிலை தொண்டு மாதிரி நினைக்கும் டாக்டர் என்பதை சுவையான காட்சிகளால் காட்டுகிறார்கள்.

விஜய் ஆண்டனிக்கு நடிப்பு இன்னும் தகராறு செய்தாலும், அப்பாவி சாமானியன் எனும் இமேஜுக்கு அந்த முகம் பொருந்திப்போகிறது. அடுத்து ஹீரோயினுடன் நிச்சயமும் ஆகிறது. ஹீரோயின் ஒரு தடாலடிப் பார்ட்டி. எல்லாவிதத்திலும் ஹீரோவுக்கு நேரெதிரானவராக இருக்கிறார். நம்மாலேயே அந்த கேரக்டரை கொஞ்சநேரம்கூட தாங்க முடிவதில்லை.

ஹீரோ இண்டர்வெல்வரை ஹீரோயினின் இம்சையைத் தாங்குகிறார். ஹீரோயினுக்கு கொடுக்கும் கமிட்மெண்ட் எதையும் ஹீரோவால் நிறைவேற்ற முடிவதில்லை என்பதையே அரைமணி நேரத்திற்கும் மேலாக திரும்பத் திரும்பக் காட்டுவது கொஞ்சம் போரடிக்கிறது.

ஒரு மினிஸ்டர் பையனை ஹீரோ தண்டிப்பதே மெயின் கதை. அதற்கு முன் அப்பாவி எப்படி ஆக்சன் ஹீரோ ஆகிறார் என்று விளக்க, முதல்பாதி முழுக்க இழுத்திருக்கத் தேவையில்லை.

இரண்டாம்பாதியில் அந்த ஹோட்டல் ரூமில் ஹீரோ நுழைவதில் இருந்து, படம் நல்ல ஸ்பீடு. கிளைமாக்ஸ்வரை அந்த வேகத்தை மெயிண்டெய்ன் செய்திருக்கிறார்கள்.

ஹீரோ அந்த பசங்களை ஹோட்டல் ரூமில் சிறை பிடிப்பது ஏன் என்பதை ஆடியன்ஸுக்கு முதலிலேயே சொல்லியிருக்கலாம். அது தெரிந்தபிறகு தான் படத்துடன் ஒன்ற முடிகிறது. இரண்டாம்பாதி முழுக்க ஹோட்டல் ரூம், போலீஸுடன் ஃபோன் பேச்சு என்று நகர்ந்தாலும், போரடிக்கவில்லை. 

விஜய் ஆண்டனி:
எனக்குப் பிடித்த இசையமைப்பாளர். அவரது இசையில் எப்பொழுதும் ஒரு துள்ளல் இருக்கும். ஒரு நடிகராக, தனக்கு ஏற்ற கதைகளாகத் தேர்ந்தெடுப்பதில் ஜெயிக்கிறார். இதில் கொஞ்சம் துணிந்து ஒரு டூயட், ஃபைட் என முழு ஆக்சன் ஹீரோ ஆவதற்கான ட்ரெய்லரை நடத்திப் பார்த்திருக்கிறார். ஆனாலும் அடக்கி வாசிப்பதே அண்ணாச்சிக்கு நல்லது.

அக்சா:
நம் கமலா காமேஷையும் காஜலையும் மிக்ஸ் பண்ணி செய்யப்பட்ட ஆண்ட்டி போன்று இருக்கிறார். ஸ்டில்களில் மொக்கையாகத் தெரிந்தாலும், படத்தில் பார்க்கும்படியாகவே இருக்கிறார். அந்த கேரக்டர் மேல் எரிச்சல் வரும் அளவுக்கு, நல்ல நடிப்பு. ஆடியன்ஸின் வெறுப்பைச் சம்பாதிக்கும் கேரக்டர்+விஜய் ஆண்டனிக்கு ஜோடி என்றாலும், முதல் வாய்ப்புக்காக ஏற்றுக்கொண்டிருப்பார் போலும். (விஜய் ஆண்டனியும் வேறு யாரும் கிடைக்காமல் தான் இவரை ஏற்றுக்கொண்டாரோ, என்னவோ!)


நெகடிவ் பாயிண்ட்ஸ்:
- கதைக்கு சீக்கிரம் வராமல், முதல்பாதியை இழுத்தது
- இரண்டாம்பாதியில் லாஜிக் பற்றி பெரிதாக யோசிக்காதது
- படத்தில் வரும் இளைஞிகள் எல்லாருமே ஆண்டிகளாக இருப்பது
- விஜய் ஆண்டனி இன்னும் நடிக்க முயற்சித்துக்கொண்டே இருப்பது
- முதல் பாதியில் காமெடிக்கு வாய்ப்பு இருந்தும், தவற விட்டது
- அவ்வளவு போலீஸையும் மீறி விஜய் ஆண்டனி வெளியே வருவதாகக் காட்டுவது, பூச்சுற்றல்

பாசிடிவ் பாயிண்ட்கள்:
- பாடல்களும் இசையும். (படம் முழுக்க வரும் அந்த தீம் மியூசிக்கை எங்கோ கேட்டது போல் ஞாபகம்.)
- பெட்டரான இரண்டாம்பாதி (லாஜிக் இடித்தாலும்!)
- நேராகச் சொன்னால் சுமாராத் தெரியும் விஷயங்களை, ஃப்ளாஷ்பேக் உத்தியில் காட்டி சுவாரஸ்யப்படுத்துவது
- அந்த மினிஸ்டரும், படத்தின் ஒரே காமெடி ஆறுதலான அவரது பி.ஏவும் 

பார்க்கலாமா? :
ஆவரேஜ் படம் தான்…வேறு படம் இல்லையென்றால், பார்க்கலாம்.

மேலும் வாசிக்க... "சலீம்- திரை விமர்சனம்"
மறுமொழிப்பெட்டி:
தமிழிலும் மறுமொழியிடலாம்
Loading...

8 comments:

Post a Comment

தங்கள் பின்னூட்டத்திற்கு நன்றி.