சினிமா கிசுகிசுக்கள் - 1944 முதல் 2044 வரை

டிஸ்கி : இந்தப் பதிவில் உள்ள படங்கள் சும்மா குளிர்ச்சிக்காக மட்டுமே..கிசுகிசுவிற்கும் அதற்கும் சம்பந்தம் இருந்தால் கம்பெனி பொறுப்பல்ல!

1944:

ஓல்டு அட்டாக்!

பாட்டுக்கார நடிகர் செல்லும் இடமெல்லாம் தனிக்கச்சேரி நடத்துகிறாராம்..யாருடனா? ரசிகைகளுடன் தான்..இதைக் கண்டு நாடக நடிகர்கள் பொருமுகிறார்களாம்..’சினிமாவை விட எவ்வளவு கஷ்டப்பட்டு நாடகம் நடத்துகிறோம்..ஆனால் இந்த மனுஷனுக்கு மட்டும் வாழ்வைப் பாரு..நம்மளும் தான் முடி வளர்த்திருக்கோம்..ஆனாலும் எண்ணெய்ச் செலவு தான் மிச்சம்’- னு தினமும் புலம்பிக் கொண்டே திரிகிறார்களாம்!

1967 :

அந்த நடிகரை இந்த நடிகர் சுட்டதுல நாடே அல்லோலப்படுது. அந்த தலைவரைக் கொல்ல அந்த நடிகர் திட்டம் போட்டதா இந்த நடிகர் சொன்னாலும், அந்த நடிகரை அறிஞ்சவங்க அதை நம்பலை..போலீஸும் எதனால சுட்டாருன்னு குழம்பிப் போய் இருக்கு. ஆனால் எல்லாம் தெரிஞ்ச ‘பலான புத்தக ‘ நடிகை மட்டும் திருட்டு முழி முழிக்காராம்! 

கோல்டு அட்டாக்!

1951 :

திலக நடிகர் பேரொளி நடிகையோடு ஒட்டிக் கொண்டே திரிகிறாராம். சூட்டிங் முடிந்தும் டூயட் தொடருதாம். இதனால் ‘அம்மா வீட்டில்’ ஒரே கலவரம். நடிகரின் மனைவி எப்படியும் நடிகரை அந்த சாகசக்காரியிடம் இருந்து மீட்டே தீருவது என சபதம் செய்துள்ளாராம். முடிவு என்னாகுமோ!

1991:

இளைய நடிகர் பூ நடிகையோடு ஒட்டிக் கொண்டே திரிகிறாராம். சூட்டிங் முடிந்தும் டூயட் தொடருதாம். இதனால் ‘அம்மா வீட்டில்’ ஒரே கலவரம். நடிகரின் மனைவி எப்படியும் நடிகரை அந்த சாகசக்காரியிடம் இருந்து மீட்டே தீருவது என சபதம் செய்துள்ளாராம். முடிவு என்னாகுமோ!

நான் இல்லைப்பா!

2006:

விரல் நடிகர் அடுத்து எடுக்கும் பலவான் படம் நடிகரின் பள்ளிக்கால காதலி-1ஐப் பற்றிய கதையாம். பல விஷயங்களைப் புட்டு புட்டு வைக்கப்போகிறாராம். கோடம்பாக்கமே கொந்தளித்துப் போய் உள்ளது.

அப்படிப் பாக்காதீங்க..க்கோப்ப்பால்..க்கோப்ப்பால்!

2011:

விரல் நடிகர் அடுத்து எடுக்கும் போடி-போடா படம் தன் பள்ளிக்கால காதலி-2 ஐப் பற்றிய கதையாம். பல விஷயங்களைப் புட்டு புட்டு வைக்கப்போகிறாராம். கோடம்பாக்கமே கொந்தளித்துப் போய் உள்ளது.

2031:

விரல் நடிகர் அடுத்து எடுக்கும் ’போடி சக்களத்தி’ படம் தன் பள்ளிக்கால காதலி-3 ஐப் பற்றிய கதையாம். பல விஷயங்களைப் புட்டு புட்டு வைக்கப்போகிறாராம். கோடம்பாக்கமே கொந்தளித்துப் போய் உள்ளது.

2044:

விரல் நடிகர் அடுத்து எடுக்கும் ’வாடி முண்.............. - இன்னுமாங்க படிக்கீங்க..போங்க பாஸு..போய் புள்ள குட்டிகளைப் படிக்க வைங்க!..அப்போ தான அவங்களும் இதை வருங்காலத்துல படிக்க முடியும்!

டாகுடரு தான்!