டி.ராஜேந்தரும் டண்டணக்காவும் (தேர்தல் ஸ்பெஷல்)

டிஸ்கி-1: முதல்ல டி.ஆரைப் பத்தி தேர்தல் ஸ்பெஷல் எழுதலாம்னு தான் நினைச்சேன்..ஆனா தலைவரு ஆனந்த விகடனை கிழிகிழின்னு கிழிக்கிற வீடியோவைப் பார்த்து பயந்து போயிட்டேன்..அதான் எதுக்கு வம்புன்னு அவரையே பேச விட்டுட்டேன்..இனி நீங்களாச்சு..அவராச்சு..

தினம் தினம் சாகும் ஈசலு!

இந்த தேர்தல்ல நாந்தான் ஸ்பெஷலு!

ஏ..டண்டனக்கா..டணக்குணக்கா!

டிஸ்கி-2 : இது 18+  ஸ்டில்லு!

 வாங்க சார்..தேர்தல் ஸ்பெஷல் தொடருக்காக வந்திருக்கீங்களா..சார்..சரியான ஆள்கிட்டதான் வந்திருக்கீங்க..ஏன்னா இந்தத் தேர்தல்ல ஸ்பெஷலே நான் தான் சார். நான் ஏதோ நேத்துப்பேஞ்ச மழைக்கு இன்னைக்கு முளைச்ச காளான் இல்ல. நான் அந்தக் காலத்திலேயே எம்.ஜி.ஆரை எதிர்த்து அரசியல் பண்ணவன் சார்.(இது எம்.ஜி.ஆருக்குத் தெரியுமா?)

நான்லாம் சென்னைக்கு வெறும் தாடியோட வரலை சார்..தன்னம்பிக்கையோட வந்தேன். வந்து ஜெயிச்சேன். என் மகனை லிட்டில் சூப்பர் ஸ்டார் ஆக்குனேன். இன்னைக்குப் பாருங்க யாருமே எட்ட முடியாத உச்சத்துல அவர் இருக்காரு.(எவரெஸ்ட்ல சூட்டிங்கோ?)

தோள்மீது தாலாட்ட...

என்னைக்குமே கலைஞர் தான் சார் என் தலைவரு. அவர் ஒரு மொள்ளமாறியா இருக்கலாம். முடிச்சவிக்கியாக்கூட இருக்கலாம். நானே அவரை மோசமா திட்டியிருக்கேன். ஆனாலும் என் நாக்கு அவரைத் தவிர யாரையும் தலைவர்னு சொல்லாது. நான் அந்தளவுக்குக் கேவலமானவான்னு கேட்காதீங்க..அவ்வளவு அப்பாவி சார் நான். ஆனாலும் ஜெயலலிதா எனக்கு சகோதரி மாதிரி சார். வாஜ்பாய்ல இருந்து வைகோ வரைக்கும் அது எவ்வளவோ பேரை எப்படியெல்லாமோ கேவலப்படுத்தியிருக்கு. ஆனா எனக்கு அப்படியெல்லாம் நடக்கலை.ஏன்..(நீங்க அதுக்குக் கூட ஒர்த் இல்லையா)..அவங்களுக்குத் தெரியும் சார்..ராஜேந்தர் மானஸ்தன்னு.

கொள்கைன்னா உயிரைக் கொடுப்பான் சார் இந்த டி.ராஜேந்தரு..ஈழத் தமிழர் பிரச்சினையப்போ எல்லாரும் பதவியைக் காப்பாத்த துடிச்சுக்கிட்டிருந்தாங்க. ஆனா நான் சிறுசேமிப்புத் திட்ட தலைவர் பதவியையே தூக்கி எறிஞ்சவன் சார். மனுசனுக்கு பதவியா சார் முக்கியம்..இந்த சிறுசேமிப்பு இல்லேன்னா இன்னொரு சிறுநீர் சேமிப்பு..

ஒருத்தராவது என்னைப் பாக்காங்களா..

வர்ற தேர்தல்ல நான் யார்கூட கூட்டுன்னு இன்னும் முடிவு பண்ணல சார்(அதை அவங்கள்ல முடிவு பண்ணனும்!)..கலைஞர் என் தலைவர்..ஜெயலலிதா என் சகோதரி மாதிரி..நான் என்ன சார் செய்வேன்..யாரை எதிர்ப்பேன்..ஆனா என்னை அம்போன்னு கழட்டி விட்டுட்டாங்கன்னா கடுப்பாயிருவேன் சார்..கடுப்பாயிருவேன்.

விஜயகாந்த் என்ன பெரிய இவரா....விஜயகாந்த் யாருன்னு சொல்லட்டுமா...சொன்னாத் தாங்குவாரா அந்த ஆளு..சொல்றேன் சார்...கேளுங்க..அவர் ஒரு தெலுங்கன் சார்..

என் அம்மா அப்பா ஒரே ஒரு தப்புப் பண்ணிட்டாங்க சார். (எது உங்களைப் பெத்ததா?)..என்னைத் தமிழனாப் பெத்ததுதான் சார் அவங்க பண்ண பெரிய தப்பு. சூதுவாது தெரியாத பாசக்காரங்க சார் அவங்க..அதான் விவரமில்லாம இப்படிப் பண்ணீட்டாங்க. அவங்க மட்டும் என்னை மலையாளியா, தெலுங்கனா கன்னடனாப் பெத்து இருந்தாங்கன்னா தமிழ்நாட்டுக்கே நான் ’பிரதமர்’ ஆயிருப்பேன் சார். ( என்னது.. ஆய் இருப்பீங்களா..கர்மம்..கர்மம்)...வர்ற தேர்தல்ல தனியா நின்னா என்னன்னு யோசிக்கிறேன் சார்.

தமிழ்நாட்டுல இருக்கிற 234 தொகுதியிலயும் நானே போட்டி போடப்போறேன் சார்..தேர்தல் கமிசன் மத்திய அரசோட கைக்கூலிங்க..எப்படியும் 233 தொகுதியில என் வேட்புமனுவைத் தள்ளுபடி பண்ணுவாங்க..உடனே மக்களுக்கு என் மேலே அனுதாபம் பொங்கும். 234(!) தொகுதியிலயும் ஓட்டை ராஜேந்தருக்கு குத்தோ குத்துன்னு குத்தப் போறாங்க..அப்புறம் என்ன சார், 234 தொகுதியிலயும் நானே ஜெயிப்பேன் சார்!

நான் டீசண்டு....தொட மாட்டேன்..மோந்து தான் பார்ப்பேன்!

நானே சி.எம்..நானே சபாநாயகர்..நானே உள்துறை அமைச்சர்..இதுவரைக்கும் அஷ்டவாதானின்னு பேர் எடுத்த நான் இனிமே 234அவதானின்னு பேர் எடுக்கப்போறேன் சார்.. (ரிலாக்ஸாகிறார்)

சில அறியாப் பசங்க கேட்பாங்க, எப்படி ராஜேந்தர் அவ்ளோ பெரிய சட்டசபைல தனியா உட்கார்ந்திருப்பான், பயமாயிருக்காதான்னு..சார், என் கட்சி ஆபீஸ்லயே பல வருஷமா தனியாத் தானே சார் உட்கார்ந்திருக்கேன்!


ஏ..டண்டனக்கா..டணக்குனக்கா!